రస్‌ అల్‌ ఖైమా: 57 ఏళ్ళ మహిళ అగ్ని ప్రమాదంలో మృతి చెందిన ఘటన రస్‌ అల్‌ ఖైమాలో చోటుచేసుకుంది. మృతురాలి భర్త కూడా ఈ ప్రమాదంలో తీవ్రంగా గాయపడ్డారు. ఆయన పరిస్థితి విషమంగా ఉంది. వారి కుమారుడు చిన్న గాయాలతో ఈ ప్రమాదం నుంచి బయటపడ్డాడు. రస్‌ అల్‌ ఖైమా పోలీస్‌ డిప్యూటీ చీఫ్‌ బ్రిగేడియర్‌ అబ్దుల్లా అల్‌ హదిది మాట్లాడుతూ, పోలీసు మరియు సివిల్‌ డిఫెన్స్‌, ఉదయం 7.30 నిమిషాలకు అందిన ఎమర్జన్సీ కాల్‌తో సంఘటనా స్థలానికి చేరుకుని, మంటల్ని అదుపు చేసినట్లు తెలిపారు. బాధితులు నివసిస్తున్న విల్లాలో ఈ అగ్ని ప్రమాదం చోటుచేసుకుంది. అగ్ని ప్రమాదానికి గల కారణాల్ని రస్‌ అల్‌ ఖైమా పోలీసులు వెలికి తీసే పనిలో ఉన్నారు.