బహ్రెయిన్‌లో నేషనల్‌ డే సెలబ్రేషన్స్‌ 
మనామా: బహ్రెయినీలు మరియు వలసదారులు దేశవ్యాప్తంగా జరిగిన బహ్రెయిన్‌ 45వ నేషనల్‌ డే వేడుకల్ని అంగరంగ వైభవంగా జరుపుకున్నారు. కంపెనీలు, స్కూల్స్‌ ప్రత్యేకమైన కార్యక్రమాల్ని నిర్వహించాయి. సెలబ్రేషన్స్‌, యాక్టివిటీస్‌తో స్కూళ్ళు, సంస్థలు, స్ట్రీట్స్‌, కార్స్‌ డెకరేట్‌ చేయబడ్డాయి. 1971లో బ్రిటిష్‌ రూల్‌ నుంచి బహ్రెయిన్‌కి ఇండిపెండెన్స్‌ లభించింది. డిసెంబర్‌ అంతటా బహ్రెయిన్‌లో నేషనల్‌ డే సెలబ్రేషన్స్‌ జరుగుతాయి. పలు ఈవెంట్స్‌ నిర్వహిస్తారు. ఫైర్‌ వర్క్స్‌ డిస్‌ప్లే, కార్నివాల్స్‌, ఫెస్టివిటీస్‌ వంటివి జరుగుతాయి. ఈ సందర్భంగా కింగ్‌ హమాద్‌ బిన్‌ ఇసా అల్‌ ఖలీఫా మాట్లాడుతూ బహ్రెయిన్‌, తీవ్రవాదానికి వ్యతిరేకంగా పోరాడుతోందనీ, బహ్రెయిన్‌ యావత్‌ ప్రపంచానికీ మార్గదర్శకంగా ఉందని అన్నారు. స్వాతంత్య్రం లభించినప్పటిఉంచీ అరబిజమ్‌ మరియు ఇస్లామ్‌ పట్ల అంకిత భావంతో పనిచేస్తున్నామని ఆయన తెలిపారు. యూఏఈ ప్రెసిడెంట్‌ షేక్‌ ఖలీఫా బిన్‌ జాయెద్‌ అల్‌ నహ్యాన్‌ సహా పలువురు ప్రముఖులు బహ్రెయిన్‌ సమాజానికీ, బహ్రెయిన్‌ పాలకులకీ నేషనల్‌ డే శుభాకాంక్షలు తెలిపారు.