బ్రెజిల్‌లోని కాంపినాస్‌ పట్టణంలోని ఒక ఇంట్లో జరిగిన పార్టీలో కాల్పులు చోటు చేసుకున్నాయి. ఈ ఘటనలో 11మంది మృతి చెందారు. సావోపౌలోని పోలీసు వర్గాల కథనం ప్రకారం తన మాజీ భార్యతో విభేదాల కారణంగా హంతకుడు కాల్పులు జరిపినట్లు తెలిపారు. ఈ కాల్పుల్లో హంతకుడి మాజీ భార్య, ఎనిమిదేళ్ల కుమారుడు కూడా మృతిచెందాడు. మృతుల వివరాలు ఇంకా తెలియరాలేదు. మొత్తం 15 మందిపై కాల్పులు జరపగా 11 మంది మృతి చెందారు. గాయపడిన వారిలో కొందరి పరిస్థితి ఆందోళనకరంగా ఉంది. సాయంత్రం నుంచి అర్ధరాత్రి వరకు బాణాసంచా కాలుస్తుండటంతో ఈ ఘటనను స్థానికులు గుర్తించలేకపోయారు. ఒక బాధితుడు రక్తమోడుతూ వచ్చి సాయం కోరడంతో వెలుగులోకి వచ్చింది.