బ్రహ్మోత్సవం చిత్రం తో అభిమానులను నిరాశ పరిచిన మహేష్ బాబు , మురుగదాస్ తో చేస్తున్న చిత్రం పట్ల భారీ ఆశలే పెట్టుకున్నాడు..ఈ చిత్రం తో అభిమానుల ఆకలి తీర్చాలని మంచి కసిగా ఉన్నాడు. తెలుగు , తమిళ్ భాషలలో తెరకెక్కుతున్న ఈ మూవీ , ఇప్పటికే 70 % పూర్తి చేసుకుంది. ప్రస్తుతం హైదరాబాద్ లో వేసిన ప్రత్యేక సెట్ లో షూటింగ్ జరుపుకుంటుంది. న్యూ ఇయర్ వేడుకలను కుటుంబ సభ్యులతో గ్రాండ్ గా జరుపుకున్న మహేష్ , ఇటీవలే హైదరాబాద్ చేరుకొని షూటింగ్ లో జాయిన్ అయ్యాడు.

ఇక మొదటి నుండి కూడా ఈ మూవీ రిలీజ్ ను ఏప్రిల్ లో చేయబోతున్నామని ప్రకటిస్తూ వస్తున్న చిత్ర యూనిట్ , తాజాగా ఆ డేట్ ను మార్చిందని సమాచారం..ఏప్రిల్ లో కాకుండా జూన్ 23 న విడుదల చేస్తారట . రంజాన్ కానుకగా సినిమాను విడుదల చేస్తే కలిసొస్తుందని చిత్ర యూనిట్ భావిస్తున్నారట. సంక్రాంతి కి సినిమా ఫస్ట్ లుక్ , టైటిల్ రిలీజ్ చేసే అవకాశం ఉందని సమాచారం. ఈ మూవీ లో మహేష్ కు జోడిగా రకుల్ ప్రీతి సింగ్ నటిస్తుండగా , విలన్ గా ఎస్.జె. సూర్య నటిస్తున్నాడు.