ఖతార్‌ ఎయిర్‌వేస్‌ గ్రూప్‌ సీనియర్‌ అధికారి ఒకరు మాట్లాడుతూ హమాద్‌ ఇంటర్నేషనల్‌ ఎయిర్‌పోర్ట్‌ (హెచ్‌ఐఎ)లో మరికొన్ని ఇ-గేట్స్‌ అవసరమని అభిప్రాయపడ్డారు. ఎయిర్‌పోర్ట్‌లో పెరుగుతున్న ప్రయాణీకుల రద్దీ నేపథ్యంలో వీటి అవసరం మరింతగా పెరిగిందని ఖతార్‌ ఎయిర్‌ వేస్‌ సిఇఓ అక్బర్‌ అల్‌ బకర్‌ చెప్పారు. మినిస్ట్రీ ఆఫ్‌ ఇంటీరియర్‌ ఎప్పటికప్పుడు ఇ-గేట్స్‌ సిస్టమ్‌ని అప్‌గ్రేడ్‌ చేసేందుకు వీలైనప్పుడల్లా భారీగా ఖర్చు చేస్తోందని అన్నారు. ఈ విధానం చాలా సమర్థవంతంగా పనిచేస్తోందనీ, యూజర్‌ డేటాని ప్రాసెసింగ్‌ చేయడానికి ఇ-గేట్స్‌ చాలా బాగా వేగంగా ఉపయోగపడ్తున్నట్లు తెలిపారు అక్బర్‌ అల్‌ బాకర్‌. రెసిడెంట్‌ ఎక్స్‌పాట్రియేటట్స్‌ ఉచితంగానే ఇ-గేట్‌ సర్వీసెస్‌ని వినియోగించుకోవడానికి వీలవుతోంది. ముందస్తు రిజిస్ట్రేషన్‌ లేకుండా 18 ఏళ్ళ పైబడినవారు ఇ-గేట్స్‌ని వినియోగించుకోగలుగుతున్నారు. ఇమ్మిగ్రేషన్‌ కౌంటర్‌ వద్ద రద్దీని తగ్గించడానికి రెసిడెంట్స్‌ ఇ-గేట్స్‌ని వినియోగించుకోవాలని అబు అల్‌ బకర్‌ విజ్ఞప్తి చేశారు.