రీసెంట్‌గా 'వినోదం 100%' చిత్రం ద్వారా హీరోగా గుర్తింపు పొందిన విజయ్‌ భరత్‌..'జానకి రాముడు' మరోసారి ప్రేక్షకుల ముందుకు రాబోతున్నాడు. తుహినా ఫిలింస్‌ పతాకంపై మత్తి సురేష్‌ దర్శకత్వంలో మత్తి సుధాకర్‌ నిర్మించనున్న ఈ చిత్రం ఈ నెలాఖరు నుండి రెగ్యులర్‌ షూటింగ్‌ జరుపుకోనుంది. ఫ్యామిలీ ఓరియంటెడ్‌ చిత్రంగా తెరకెక్కనున్న ఈ చిత్రంలో ఓ ప్రముఖ హీరోయిన్‌..విజయ్‌ భరత్‌ సరసన నటించనుంది. ప్రస్తుతం స్క్రిప్ట్‌ పనులు పూర్తయ్యాయి. త్వరలో అన్ని వివరాలు తెలియజేస్తామని నిర్మాత మత్తి సుధాకర్‌ తెలిపారు.