పవన్‌కల్యాణ్‌ కథానాయకుడిగా నటిస్తున్న చిత్రం 'కాటమరాయుడు'. శ్రుతిహాసన్‌ కథానాయిక. కిషోర్‌కుమార్‌ పార్థసానీ(డాలీ) దర్శకత్వం వహిస్తున్నారు. సంక్రాంతి సందర్భంగా ఈ చిత్రానికి సంబంధించిన పవన్‌ పోస్టర్‌ను చిత్రబృందం అభిమానులతో పంచుకుంది. ఎడ్లబండి కాడిపై కాలుపెట్టి, చేతిలో కండువా పట్టుకుని నిలబడి ఉన్న పవన్‌ మాస్‌లుక్‌ను విడుదల చేసింది. నార్త్‌స్టార్‌ ఎంటర్‌టైన్‌మెంట్‌ పతాకం శరత్‌ మరార్‌ ఈ చిత్రాన్ని నిర్మిస్తున్నారు. అనూప్‌ రూబెన్స్‌ స్వరాలు సమకూరుస్తున్న 'కాటమరాయుడు'ను మార్చిలో విడుదల చేసేందుకు సన్నాహాలు చేస్తున్నారు.