ఆదిలాబాద్‌: జిల్లాలో 230మంది హెడ్‌ కానిస్టేబుళ్లకు ఎస్పీ ప్రత్యేక సెలవు ప్రకటించారు. ఆర్‌. నారాయణమూర్తి నటించిన 'హెడ్‌ కానిస్టేబుల్‌ వెంకట్రామయ్య' చిత్రం ఇటీవల విడుదలైన సంగతి తెలిసిందే. అయితే, ఆ చిత్రాన్ని చూసే అవకాశం కల్పిస్తూ ఆదిలాబాద్‌ జిల్లా ఎస్పీ శ్రీనివాస్‌ ఈ నిర్ణయం తీసుకున్నారు. కుటుంబ సభ్యులతో కలిసి వెళ్లి ఈ చిత్రం చూడాలని ఆయన హెడ్‌ కానిస్టేబుళ్లకు సూచించారు. హెడ్‌ కానిస్టేబుళ్లతో కలిసి ఈ సాయంత్రం ఆయన సినిమా చూడనున్నారు.