మలయాళ కుట్టి అనుపమా పరమేశ్వరన్‌ తెలుగునాట స్టార్‌ హీరోయిన్‌గా ఎదిగేందుకు మార్గం సుగమం చేసుకుంటోంది. మూడు వరుస విజయాలతో తెలుగు సినిమా ఇండస్ట్రీ దృష్టిలో పడింది. 'అఆ' వంటి ఘనవిజయంతో గ్రాండ్‌గా తెలుగు తెరకు పరిచయమైన అనుపమ.. 'ప్రేమమ్‌', 'శతమానం భవతి' సినిమాలతో హ్యాట్రిక్‌ హిట్లు సాధించింది. 
దీంతో ఈ భామను ఇప్పుడే 'గోల్డెన్‌ లెగ్‌' అనేస్తున్నారు. అందుకే ఆమెతో సినిమా చేసేందుకు పలువురు దర్శక, నిర్మాతలు ఆసక్తి చూపుతున్నారు. అయితే అనుపమ మాత్రం చాలా జాగ్రత్తగా సినిమాలను ఎంచుకుంటోంది. ఇప్పటికే మెగాపవర్‌ స్టార్‌ రామ్‌చరణ్‌-సుకుమార్‌ల కాంబినేషన్‌లో తెరకెక్కబోయే సినిమాకు అనుపమ ఓకే చెప్పిన విషయం తెలిసిందే.