మనామా: ముహర్రాక్‌ రెసిడెంట్స్‌, అక్రమంగా పబ్లిక్‌ రోడ్స్‌ని బ్లాక్‌ చేసి, వాహనాల పార్కింగ్‌ కోసం వినియోగిస్తే కఠిన చర్యలు తప్పవని మునిసిపాలిటీ హెచ్చరించింది. ఇనుప రాడ్లు, చైన్‌లు, సిమెంట్‌ బ్లాక్స్‌ ఇతర మెటీరియల్స్‌తో రోడ్లపై అక్రమంగా పార్కింగ్‌ పేరుతో ఆక్యుపై చెయ్యడాన్ని ముహరాక్‌ మునిసిపాలిటీ తీవ్రంగా పరిగణించింది. యాన్యువల్‌ ఇన్‌స్పెక్షన్‌ క్యాంపెయిన్‌లో భాగంగా ముహర్రాక్‌ గవర్నరేట్‌ పరిధిలోని షేక్‌ అహ్మద్‌ ఎవెన్యూ, అబ్దుల్‌ రహ్మాన్‌ అల్‌ ఫదెల్‌ రోడ్‌, షేక్‌ ఇసా మరియు షేక్‌ అబ్దుల్లా ఎవెన్యూస్‌లోని పలు ఉల్లంఘనల్ని గుర్తించారు. మునిసిపాలిటీ అధికారులు 30 ఉల్లంఘనల్ని తొలగించింది. అధికారులు నిరంతరం క్యాంపెయిన్‌ నిర్వహిస్తారనీ, ఉల్లంఘనలపై కఠిన చర్యలు తీసుకోబడ్తాయని అధికారులు హెచ్చరించారు.