మస్కట్‌: మస్కట్‌ మునిసిపాలిటీ వార్షిక కల్చరల్‌ ఈవెంట్‌ - మస్కట్‌ ఫెస్టివల్‌ నసీమ్‌ గార్డెన్స్‌ వద్ద అమీరత్‌ పార్క్‌లో సాయంత్రం 4 గంటలకు ప్రారంభం కానుంది. 24 రోజులపాటు ఈ ఫెస్టివల్‌ జరుగుతుంది. ఫిబ్రవరి 11తో మస్కట్‌ ఫెస్టివల్‌ ముగుస్తుంది. పెద్ద సంఖ్యలో సందర్శకులు ఈ ఫెస్టివల్‌కి విచ్చేస్తారని మస్కట్‌ మునిసిపాలిటీ అంచనా వేస్తోంది. ఆహ్లాదకరమైన వాతావరణ పరిస్థితులు, అలాగే సెలవుల వల్ల మస్కట్‌ ఫెస్టివల్‌కి కొత్త కళ వస్తుందని వారు అంటున్నారు. అమ్యూజ్‌మెంట్‌ రైడ్స్‌ నుంచి పలు రకాలైన ఈవెంట్స్‌ ఈ ఫెస్టివల్‌లో ప్రధాన ఆకర్షణలు కానున్నాయి. చిన్న పిల్లలకు పెద్దవారికి అందరినీ ఆకర్షించేలా ఏర్పాట్లు జరిగాయిక్కడ. లేజర్‌ షోస్‌, కల్చరల్‌ విలేజ్‌, ఇంటర్నేషనల్‌ షోస్‌ ఇతర ప్రధాన ఆకర్షణలు. ప్రతిరోజూ రాత్రి 8.30 నిమిషాల నుంచి ఫైర్‌ వర్క్స్‌ సందర్శకుల్ని కనువిందు చేయనున్నాయి.