సినిమాలలో రోడ్లపై విలన్లతో కొట్లాడుతుంటే వారు హీరోలుగా చెలామణి అవుతారు సినిమాలలో చాలా సందర్భాలలో పోలీసులు ఏమాత్రం పట్టించుకోరు..పైగా సినిమాలలో రోడ్ల పక్కన ఉన్న కుండలను ,తినుబండారాల దుకాణాలపై అమాంతంగా ఎగిరెగిరి పడీ వస్తువులను ధ్వంసంచేస్తుంటారు..బహుశా వారిని ప్రేరణాగా తీసుకొనెమో నడిరోడ్డుపై ముష్టి యుద్ధాలకు ఆ ఏడుగురు ఆసియా దేశస్థులు దిగేరు. కానీ అక్కడ బుషెర్ పోలీసులు కాస్తంత ఎక్కువ చురుకైనవారు కావడంతో వీరి వీధి పోరాటాలు చప్పున ఆగిపోయాయి. దక్షిణ ఘుబ్రాలో బహిరంగ ప్రదేశంలో వద్ద ఏడుగురు ఆసియా దేశస్థులు రోడ్లపై ఒకరినొకరు తన్నుకొంటూ  ట్రాఫిక్ అంతరాయం కల్గిస్తూ ఆ ప్రాంతాన్ని గందరగోళం గురిచేస్తున్నారని సమాచారం అందడంతో బుషెర్  పోలీసులు వారందరిని అరెస్టు చేసింది. దక్షిణ ఘుబ్రాలో నిర్వాసితుల బృందం రోడ్దుపై ఒకరినొకరు తన్నుకొంటున్నారనే సమాచారం ఒక ఫోన్ కాల్ అందుకున్నామని ఒక రాయల్ ఒమాన్ పోలీస్ అధికారి అన్నారు. "మేము వెంటనే గస్తీ వాహనం మరియు ఒక అంబులెన్స్ తో అక్కడకి వచ్చినట్లు తెలిపారు. పోలీసులు ముగ్గురిని అరెస్టు చేసినట్లు మరో నలుగురిని చికిత్స కోసం ఖోయూల హాస్పిటల్ కు తరలించినట్లు ఆయన తెలిపారు. ఈ ఏడుగురిని తదుపరి దర్యాప్తు కోసం పబ్లిక్ ప్రాసిక్యూషన్ ఎదుటకు హాజరుపర్చారు.