మస్కట్‌: సుల్తానేట్‌లోని ప్రముఖ ఆసుపత్రుల్లో ఒకటైన బుర్జీల్‌ హాస్పిటల్‌, మెడికల్‌ కేర్‌ రంగంలో సరికొత్త సంచలనాలకు వేదికవుతోంది. తాజాగా ఇన్నోవేటివ్‌ ప్రివెంటివ్‌ హెల్త్‌ కేర్‌ ప్యాకేజీలను ప్రకటించింది బర్జీల్‌ హాస్పిటల్‌. గోల్డ్‌, సిల్వర్‌, బ్రాండజ్‌ మరియు బేసిక్‌ కేటగిరీస్‌లో ఈ ప్యాకేజీలు ఉంటాయి. వివిధ వయసులు, అలాగే జెండర్స్‌కి తగ్గట్టుగా ఈ ప్యాకేజీలను రూపొందించారు. రెగ్యులర్‌ చెకప్స్‌, కన్సల్టేషన్స్‌ వంటివాటితో కూడిన ప్యాకేజీలు ఇవి. బేసిక్‌ ప్రివెంటివ్‌ ప్లాన్‌ 18 నుంచి 25 ఏళ్ళ మధ్య వయసున్నవారి కోసం రూపొందించారు. గోల్డ్‌ ప్లాన్‌లో ఇంటర్నల్‌ మెడిసిన్‌, సర్జరీ, ఇఎన్‌టి, ఆప్తల్మాలజీ, కార్డియాలజీ, డెంటల్‌ డిపార్ట్‌మెంట్స్‌ సహా పలు అంశాలుంటాయి. ప్యాకేజీలను బట్టి 150, 100, 80, 60 ఒమన్‌ రియాల్స్‌గా ధరల్ని నిర్ణయించారు.