1000 కు పైగా సినిమాలలో నటించి ఎన్నోరకాల పాత్రలు పోషించిన బ్రహ్మానందం బాలీవుడ్ టాప్ హీరో అమీర్ ఖాన్ ను అనుసరిస్తూ ఒక తెలుగు సినిమాలో కనిపించబోతున్నాడు. తన నటనతో ఎందరి పైనో సెటైర్లు వేసిన బ్రహ్మీ ఈసారి ఏకంగా బాలీవుడ్ మిస్టర్ పర్ఫెక్షనిస్ట్ అమీర్ ఖాన్ ను టార్గెట్ చేస్తూ నటించడం హాట్ టాపిక్ గా మారింది. బ్రహ్మీ ఈ సాహసాన్ని ఆది హీరోగా నటిస్తున్న 'గరం' సినిమాలో చేస్తున్నాడు. అమీర్ ఖాన్ డ్రెస్ లుక్ తో ట్రాన్సిస్టర్ మెడలో వేసుకుని హడావిడి చేస్తున్న ఫోటోను హీరో ఆది తన ఫేస్ బుక్ లో పెట్టి అందరికీ షేర్ చేసాడు. క్రియేటివ్ దర్శకుడిగా పేరు గాంచిన మదన్ దర్శకత్వంలో బ్రహ్మీ ఈ సాహసం చేస్తున్నాడు. హీరో ఆది పక్కన ఆదా శర్మ హీరోయిన్ గా నటిస్తున్న ఈ సినిమాలో బ్రహ్మానందం 'పికె' సినిమాలోని అమీర్ ఖాన్ పాత్రను ప్యారడీ చేస్తున్నట్లు తెలుస్తోంది. ఈమధ్య కాలంలో తెలుగు సినిమాలలో బ్రహ్మీ హవా బాగా తగ్గిపోయి యంగ్ కమెడియన్ ల జోర్ పెరిగిన నేపధ్యంలో తిరిగి తన రేంజ్ ని చూపెట్టుకోవడానికి బ్రహ్మానందం ఏకంగా అమీర్ ఖాన్ నే టార్గెట్ చేస్తున్నాడు అనుకోవాలి. ఈ వెరైటీ ప్రమోగాన్ని ప్రేక్షకులు ఆదరిస్తే హిట్ సినిమాలకు దూరంగా ఉన్న ఆదికి బ్రహ్మీ ప్రయోగం అదృష్టంగా మారే అవకాశం ఉంది. ప్రస్తుతం ఈఫోటో వెబ్ మీడియాకే హాట్ టాపిక్ గా మారింది.