పూ ర్ణ ప్రధాన పాత్ర పోషించిన చిత్రం 'రాక్షసి'. అభినవ్‌ సర్దార్‌, అభిమన్యుసింగ్‌, గీతాంజలి కీలక పాత్రధారులు. పన్నా రాయల్‌ దర్శకుడు. అశోక్‌ మందా, రాజ్‌ దళవాయ్‌ నిర్మాతలు. చిత్రీకరణ పూర్తయింది. ప్రస్తుతం న్యూయార్క్‌లో విజువల్‌ ఎఫెక్ట్స్‌ కార్యక్రమాలు జరుగుతున్నాయి. దర్శకుడు మాట్లాడుతూ ''కథాబలమున్న చిత్రమిది. సాంకేతికంగానూ ఉన్నంతంగా తీర్చిదిద్దుతున్నాం. పూర్ణపై తెరకెక్కించిన ఓ గీతం ప్రత్యేక ఆకర్షణగా నిలుస్తుంది. ఆ పాటలో నాలుగు నిమిషాల పాటు విజువల్‌ ఎఫెక్ట్స్‌ ఉంటాయి. హారర్‌ నేపథ్యంలో వచ్చిన చిత్రాల్లోకెల్లా భిన్నంగా ఉంటుంది.