ఐసీసీ టీ20 ర్యాంకింగ్స్‌ దుబాయ్‌: ఇంగ్లండ్‌పై సిరీస్‌ విజయంతో ఐసీసీ టీ-20 ర్యాంకింగ్స్‌లో టీమిండియా రెండో స్థానానికి ఎగబాకింది. కాగా, టీ20 బ్యాట్స్‌మన్‌ ర్యాంకింగ్స్‌లో భారత కెప్టెన్‌ విరాట్‌ కోహ్లీ అగ్రస్థానంలో కొనసాగుతున్నాడు. గురువారం ప్రకటించిన టీ20 తాజా ర్యాంకుల జాబితాలో ఆసే్ట్రలియా బ్యాట్స్‌మెన్‌ ఆరోన్‌ ఫించ్‌, మాక్స్‌వెల్‌ రెండు, మూడు ర్యాంకుల్లో నిలిచారు. కేఎల్‌ రాహుల్‌ 15 ర్యాంక్‌లు మెరుగుపరచుకుని 15వ స్థానం దక్కించుకున్నాడు. టెస్టుల్లో రెండో స్థానం, వన్డేల్లో మూడో ర్యాంక్‌తో మూడు ఫార్మాట్లలోనూ టాప్‌-5లో స్థానం సాధించిన ఆటగాడిగా కోహ్లీ నిలిచాడు.