10 ఏళ్ళ నిరాద్‌, అతని అక్క, తమ్ముడు స్కూలుకు వెళ్ళలేని పరిస్థితుల్లో ఉన్నారు. తన పుట్టినరోజుకి కేక్‌ కూడా కట్‌ చేయలేని దయనీయ పరిస్థితి నిరాద్‌ది. నిరాద్‌ అక్క 2014లో స్కూల్‌ మానేసింది, ఆర్థిక సమస్యల కారణంగా. మూడో తరగతి నుంచి ఆమె డ్రాపవుట్‌ అయ్యింది. వీరిద్దరి తమ్ముడు ఇంకా స్కూల్‌కి కూడా వెళ్ళడంలేదు. వీరి తండ్రి షంషేర్‌ సింగ్‌, ఉత్తరప్రదేశ్‌కి చెందినవారు. సంవత్సరానికి పైగానే అతనికి ఉద్యోగం లేకుండా పోయింది. శ్రీలంకకు చెందిన ఫాతుమా ఫర్సానాతో 2000 సంవత్సరంలో వివాహమయ్యింది షంషేర్‌ సింగ్‌కి. ఆమె కోసం మతం మార్చుకోవడంతో, అతన్ని కుటుంబ సభ్యులు దూరంగా పెట్టారు. ఇటువంటి దుర్బర పరిస్థితుల్లో సాయం కోసం అర్ధిస్తున్నాడు అతని తండ్రి. ఆరేడు నెలలుగా ఇంటి అద్దె కూడా చెల్లించలేకపోతోంది ఈ కుటుంబం. మంచి మనసున్నవారెవరైనా ఆదుకుంటారేమోనని ఈ కుటుంబం ఎదురుచూస్తోంది.