నేపాలీ వలసదారుడికి మూడేళ్ళ జైలు శిక్షతోపాటు, 200,000 ఖతారీ రియాల్స్‌ జరీమానా విధించింది దోహా క్రిమినల్‌ కోర్ట్‌. నిషేధిత నార్కోటిక్స్‌ డ్రగ్స్‌ని సరఫరా చేస్తున్న నేరానికిగాను ఈ శిక్ష విధించడం జరిగింది. న్యాయస్థానంలో పబ్లిక్‌ ప్రాసిక్యూషన్‌, నిందితుడిపై నేరాన్ని నిరూపించింది. 5 కిలోల బరువైన ఆంఫిటమిన్‌ పిల్స్‌ని అతని నుంచి స్వాధీనం చేసుకున్నట్లు ప్రాసిక్యూషన్‌ తెలిపింది. పోలీసులు నిందితుడికి సంబంఇంచిన సమాచారం అందుకోగానే, వ్యూహాత్మకంగా వ్యవహరించి నిందితుడ్ని రెడ్‌ హ్యాండెడ్‌గా పట్టుకున్నారు. క్లయింట్‌ తరహాలో అండర్‌కవర్‌ పోలీసులు అతన్ని అప్రోచ్‌ అయి, కేసుని ఛేదించారు.