కావలసిన పదార్థాలు: నూల్‌కోల్‌ - 2, మిరియాలు - అర టీ స్పూను, పసుపు - చిటికెడు, ఉప్పు - రుచికి తగినంత, పెరుగు - 2 కప్పులు, పచ్చికొబ్బరి తురుము - 1 కప్పు, పచ్చిమిర్చి - 3, జీలకర్ర - 1 టీ స్పూను, తాలింపు దినుసులు - తగినన్ని.
తయారుచేసే విధానం: కొబ్బరి, పచ్చిమిర్చి, జీలకర్రను కలిపి మెత్తగా రుబ్బుకోవాలి. నూల్‌కోల్‌ ముక్కల్లో పసుపు, మిరియాలపొడి, ఉప్పు వేసి 3 కప్పుల నీరు చేర్చి నీరు ఇగిరిపోయేవరకు ఉడికించాలి. తర్వాత పెరుగు, కొబ్బరి పేస్టు వేసి చిన్న మంటపై 5 నిమిషాలు ఉంచి దించేసి, వేరుగా తాలింపు పెట్టి ముక్కల్లో కలపాలి.