పేదల ఆకలి తీర్చేందుకు ఉత్తర అమెరికా తెలుగు సంఘం నాట్స్ మరోసారి నడుంబిగించింది.  నాట్స్ ఫుడ్ డ్రైవ్‌ పేరుతో పెద్ద ఎత్తున ఆహార పదార్థాలు సేకరించి  పేదలకు పంచి పెట్టే ఈ కార్యక్రమానికి విశేష స్పందన లభించింది.  తాజాగా న్యూజెర్సీలో నిర్వహిస్తున్న ఈ డ్రైవ్, ఫుడ్ క్యాన్ లను సేకరించి పేదలకు పంచి పెట్టాయి.  నాట్స్ ఇచ్చిన పిలుపును అందుకుని తెలుగు ప్రజలు చాలా మంది ఈ ఫుడ్ క్యాన్స్‌ను విరాళంగా ఇచ్చారు. నాట్స్ ప్రెసిడెంట్ మోహన కృష్ణ మన్నవతో పాటు, బోర్డు సభ్యులంతా ఈ ఫుడ్ డ్రైవ్ కోసం భారీగా ఫుడ్ క్యాన్స్ సేకరించారు. ఈ కార్యక్రమం విజయవంతంగా ముగిసినట్లు నాట్స్ మహిళా విభాగం ప్రకటించింది.  ఈ రకమైన సేవా కార్యక్రమాలు, స్థానిక సంస్థల సహాయ సహకారాలతో పాటు దాతల సాయంతో ముందు ముందు మరెన్నో కార్యక్రమాలు చేస్తామని ప్రకటించారు.