హెల్త్‌ అండ్‌ సేఫ్టీ డిపార్ట్‌మెంట్‌ - దుబాయ్‌ మునిసిపాలిటీ, సెలూన్‌ వర్కర్స్‌కి శిక్షణ ఇచ్చే విషయమై సమాలోచనలు చేస్తోంది. 45 సర్టిఫైడ్‌ ట్రైనింగ్‌ కంపెనీలతో సివిక్‌ బాడీ సమావేశమయి, ట్రైనింగ్‌ ప్రోగ్రామ్స్‌ విషయంలోనూ, పర్సనల్‌ కేర్‌ సెంటర్స్‌ విషయంలోనూ చర్చలు జరిపింది. డైరెక్టర్‌ - హెల్త్‌ అండ్‌ సేఫ్టీ డిపార్ట్‌మెంట్‌ రెధా సల్మాన్‌ మాట్లాడుతూ, సెలూన్‌ ఓనర్స్‌తో గతంలో జరిపిన చర్చల నేపథ్యంలో ఈ ప్రక్రియను ముందుకు తీసుకెళుతున్నట్లు చెప్పారు. ఈ సమావేశంలో పలు అంశాలపై చర్చించామని ఆయన తెలిపారు. ఎమిరేట్‌లో మొత్తం 3500 లేడీస్‌ మరియు జెంట్స్‌ సెలూన్స్‌ ఉన్నట్లు చెప్పారాయన. ఈ రంగంలో ఆరోగ్యం అత్యంత కీలకమైన అంశమనీ, ఆ దిశగానే ఎక్కువ రికమండేషన్స్‌ కూడా వచ్చినట్లు వివరించారు సల్మాన్‌.