పవర్‌స్టార్‌ పవన్‌కల్యాణ్‌, యంగ్‌ హీరో నితిన్‌ల మధ్య ఉన్న అనుబంధం గురించి తెలిసిందే. పవన్‌కు వీరాభిమాని అయిన నితిన్‌.. తన సినిమాలలో కూడా పవన్‌ ప్రస్తావన తీసుకువస్తుంటాడు. అలాగే తన స్నేహితుడు త్రివిక్రమ్‌తో కలిసి నితిన్‌ సినిమాను నిర్మిస్తున్నాడు పవన్‌. ఇప్పుడు తాజాగా పవన్‌ నటించిన 'కాటమరాయుడు' సినిమా హక్కులు దక్కించుకుంది నితిన్‌కు చెందిన శ్రేష్ట్‌ మూవీస్‌. ఆసియన్‌ ఫిలిమ్స్‌తో కలిసి నైజాం ఏరియా హక్కులను సొంతం చేసుకుంది నితిన్‌ సంస్థ. ఈ విషయాన్ని నితిన్‌ ఫేస్‌బుక్‌ ద్వారా వెల్లడించాడు. 'కాటమరాయుడు' నైజాం ఏరియా హక్కులు దక్కించుకోవడం చాలా ఆనందంగా ఉందని నితిన్‌ తెలియజేశాడు.