ఏడు ముస్లిం దేశాల వలసలపై విధించిన ఆంక్షలను సవరించనున్నట్లు అమెరికా అధ్యక్షుడు డొనాల్డ్ ట్రంప్ తెలిపారు. దేశ భద్రతరిత్యా స్వల్ప మార్పులతో  న్యూ ఆర్డర్ ను వచ్చే వారంలో తీసుకురానున్నట్లు ట్రంప్ వెల్లడించారు. జాతీయ భద్రతాకారణాలను ద్రుష్టిలో పెట్టుకొని ఇమ్మిగ్రేషన్  బ్యాన్ ఆర్డర్ చాలా కీలకమైందని, దీనిపై  వేగంగా చర్యలు చేపడుతామన్నారు. ఇస్లామిక్ దేశాలపై విధించిన నిషేధాన్ని కోర్టులు నిలిపివేయడం, కొన్ని వర్గాలవారు తీవ్రంగా వ్యతిరేకిస్తుండటంతో ట్రంప్ ఈ నిర్ణయం తీసుకున్నారు. ఇప్పుడున్న కార్యనిర్వాహక ఆదేశాలను పూర్తిగా ఉపసంహరించుకుంటారా..  లేక కొన్ని మినహాయింపులు ఇస్తారా అనేది తెలియాల్సిఉంది.