దోహా: రహదార్లపై స్పీడ్‌ లిమిట్‌కి లోబడి వాహనాల్ని నడపాల్సి ఉంటుంది. ఇకపై అతి వేగంతో ప్రయాణించాలనుకుంటే మాత్రం ఇంకా ఇబ్బందుల్లో కూరుకుపోవాల్సి వస్తుంది. ఎందుకంటే అర్థ రాత్రి నుంచి మొబైల్‌ కెమెరాలను రోడ్లపై ఏర్పాటు చేస్తున్నారు. ఖతార్‌లోని పలు రోడ్లపై వీటిని ఏర్పాటు చేయడం ద్వారా నిబంధనల్ని ఉల్లంఘించేవారిని గుర్తించడం ఇంకా తేలికవుతుంది. అల్‌ ఖోర్‌ కోస్టల్‌ రోడ్‌, అల్‌ వక్రా రోడ్‌, అల్‌ రఫా స్ట్రీట్‌ వంటివాటిపై ఈ కెమెరాలను ఏర్పాటు చేస్తున్నారు. మినిస్ట్రీ ఆఫ్‌ ఇంటీరియర్‌ మొబైల్‌ కెమెరాల ద్వారా ఉల్లంఘనుల్ని గుర్తించేందుకు తగు చర్యలు చేపట్టింది. ఎక్కువగా ఉల్లంఘనలు చోటు చేసుకుంటున్న రోడ్లపైకి ఈ మొబైల్‌ కెమెరాలను తరలిస్తారు. తద్వారా ఉల్లంఘనుల్ని గుర్తించి, కఠిన చర్యలు తీసుకుంటారు.