షార్జాలో ఫ్రీ ఆఫ్టర్‌ నూన్‌ పార్కింగ్‌కి అతి త్వరలో ముగింపు పలకనున్నారు. ఎమిరేట్‌ వ్యాప్తంగా కొత్త పార్కింగ్‌ బోర్డ్స్‌ని ఏర్పాటు చేయనున్నారు. పార్కింగ్‌ బోర్డులపై ఉదయం 8 గంటల నుంచి రాత్రి 10 గంటల వరకు పెయిడ్‌ పార్కింగ్‌ అంటూ కొన్ని బోర్డులు ఇప్పుడు సోషల్‌ మీడియాలో సందడి చేస్తున్నాయి. అయితే ఇంతవరకు దీనికి సంబంధించి అధికారిక ప్రకటన ఏదీ రాలేదు. మధ్యాహ్నం 1 గంటల నుంచి 4 గంటల వరకు రెసిడెంట్స్‌ ఉచితంగా మూడు గంటల పాటు పార్కింగ్‌ సౌకర్యాన్ని పొందుతున్నారు. గతంలో అంటే 2016లో దుబాయ్‌, ఈ తరహా ఉచిత పార్కింగ్‌ని తొలగించింది. ఉదయం 8 గంటల నుంచి రాత్రి 10 గంటల వరకు పని దినాల్లో పెయిడ్‌ పార్కింగ్‌ వర్తిస్తుంది.