''మా 'శరణం గచ్ఛామి' చిత్రానికి రివైజింగ్‌ కమిటీ సోమవారం సెన్సార్‌ను నిర్వహించింది. మా సినిమా కంటెంట్‌కు ఇబ్బంది లేని విధంగా చిన్న చిన్న కట్‌లు చెప్పి యు/ఎ సర్టిఫికెట్‌ను ఇచ్చింది'' అని ప్రేమ్‌రాజ్‌ అన్నారు. ఆయన దర్శకత్వం వహించిన చిత్రం 'శరణం గచ్ఛామి'. బొమ్మకు క్రియేషన్స పతాకంపై బొమ్మకు మురళి నిర్మించారు. ఈ సినిమాను స్థానిక సెన్సార్‌ కమిటీ తిరస్కరించడంతో దర్శకనిర్మాతలు రివైజింగ్‌ కమిటీని ఆశ్రయించారు. నటి జీవిత ఆధ్వర్యంలో తొమ్మిది మందితో కూడిన కమిటీ ఈ చిత్రాన్ని వీక్షించారు. దీని గురించి ప్రేమ్‌రాజ్‌ 'చిత్రజ్యోతి'తో మాట్లాడుతూ ''రివైజింగ్‌ కమిటీ మీద మొదటి నుంచీ మాకు నమ్మకం ఉంది.
చిత్రంలో కొన్ని చోట్ల పునరావృతమైన కులాల పేర్లని తీసేయమని కమిటీ సూచించింది. మరోచోట విలన ఓ అమ్మాయిని హత్యచేస్తూ జాతీయగీతాన్ని ఆలపిస్తాడు. అది భావ్యంగా లేదని చెప్పారు. ఇలాంటి చిన్న చిన్న కట్స్‌ చెప్పి మాకు యు/ఎను ప్రకటించారు.

వారి సూచనల వల్ల మా సినిమా కంటెంట్‌కు ఎలాంటి ఇబ్బందీ రాలేదు'' అని అన్నారు.