హ్యాపీడే్‌స్'లో టైసన్‌గా ఆకట్టుకున్న రాహుల్‌ కథానాయకుడిగా నటిస్తున్న చిత్రం 'వెంకటాపురం'. మహిమా మక్వాన్ నాయిక. గుడ్‌ సినిమా గ్రూప్‌ పతాకంపై శ్రేయాస్‌ శ్రీనివాస్‌, తూము ఫణికుమార్‌ నిర్మిస్తున్నారు. 'సామి రారా', 'రౌడీ ఫెలో' సినిమాలకు అసోసియేట్‌గా పనిచేసిన వేణు దర్శకుడిగా పరిచయమవుతున్నారు. ఈ సినిమా తొలి పాటను డైరెక్టర్‌ వి.వి. వినాయక్‌ ఆవిష్కరించారు. ఇటీవల సీనియర్‌ ప్రొడ్యూసర్‌ అల్లు అరవింద్‌ విడుదల చేసిన ట్రైలర్‌కు సోషల్‌ మీడియాలో మంచి స్పందన లభించింది. పది లక్షలకు పైగా వ్యూస్‌ను రాబట్టింది. ఇప్పుడు వినాయక్‌ లాంచ్ చేసిన పాట కూడా సంగీత ప్రియుల్ని అలరిస్తోందని నిర్మాతలు తెలిపారు. ''ఒక యువతి హత్య నేపథ్యంలో ఊహకందని మలుపులతో ఆద్యంతం ఆసక్తికరంగా సినిమా నడుస్తుంది. ప్రస్తుతం పోస్ట్‌ ప్రొడక్షన్ పనులు జరుపుతున్నాం. త్వరలో చిత్రాన్ని ప్రేక్షకుల ముందుకు తెస్తాం'' అని వారు చెప్పారు.