అంజలి నటించిన హారర్ థ్రిల్లర్ చిత్రాంగద ఫిల్మ్ రిలీజ్ కి రెడీ అవుతుంది. ఈ సినిమాను, తెలుగు .. తమిళ భాషల్లో ఈ నెల 10వ తేదీన విడుదల చేయడానికి చిత్రయూనీట్ సన్నాహాలు చేస్తోంది. ఈ సినిమా షూటింగ్ చాలావరకూ అమెరికాలో జరిగింది. కొన్ని అదృశ్య శక్తుల కారణంగా హీరోయిన్  ఎలాంటి పరిస్థితులను ఎదుర్కొంది? .. వాటి నుంచి ఆమె ఎలా బయటపడింది? అనే ఆసక్తికరమైన కథాంశంతో ఈ సినిమా ప్రేక్షకుల ముందుకు వస్తోందని నిర్మాతలు తెలిపారు. అనూహ్యమైన మలుపులు ఆడియన్స్ లో ఆసక్తిని రేకెత్తిస్తాయని అంటున్నారు. అంజలి కెరియర్లో ఇది చెప్పుకోదగిన సినిమా అవుతుందని చెబుతున్నారు. 'గీతాంజలి' మాదిరిగా ఈ సినిమా ఆమెకి మరో హిట్ ఇస్తుందేమో చూడాలి.