జపాన్‌లో ఓ వ్యక్తికి వింత మరణం సంభవించింది. ఒకేసారి ఆరుటన్నుల పోర్న్ మ్యాగజైన్లు మీద పడటంతో అతడు ప్రాణాలు కోల్పోయాడు. ఎంతో ముచ్చటపడి పోగుచేసుకున్న పోర్న్ పుస్తకాలే ఆయన ప్రాణాలు తీయడం గమనార్హం. కాగా, జపాన్‌కి చెందిన సదరు వ్యక్తి కుటుంబం ఈ విషయం దాచిపెట్టేందుకు ఎంత ప్రయత్నించినా ఫలితం లేకపోయింది.
స్థానిక మీడియా కథనం ప్రకారం.. మృతుడికి 50 యేళ్లు ఉంటాయి. పుస్తకాలు దాచిన గదిలో.. ఓ మూల నుంచి మేగజైన్లు మొత్తం ఒకేసారి మీదపడడంతో అతడు మరణించాడు. శ్వాస ఆడక లేదా గుండెపోటు రావడం వల్ల చనిపోయిన ఉంటాడని భావిస్తున్నారు. జపాన్‌లోని అతని ప్లాట్‌లో ఈ ఘటన జరిగి ఆరు నెలల అవుతున్నా.. అధికారులకు కూడా తెలియలేదు.
అయితే, అతడి కుటుంబం ఈ ఘటనను తెలివిగా దాచే ప్రయత్నంచేసింది. కొందరు కూలీలను మాట్లాడుకుని గుట్టుచప్పుడు కాకుండా పోర్న్ మేగజైన్లను తొలగించింది. అయితే చిందరవందరగా ఉన్న అపార్ట్‌మెంటు ఫోటోలు ఓ కూలీద్వారా బయటికి రావడంతో అసలు విషయం వెలుగుచూసింది.