దుబాయ్ లో హోలీ పండుగను మేమంటే మేము అనేంత గొప్పగా వివిధ సంస్థలు నిర్వహించాయి. 'సహారా డెసర్ట్ రిసార్ట్ & ఈక్వెస్ట్రియన్ సెంటర్' లో నిర్వహించిన క్లియర్ ట్రిప్ వారి 'హోలీ మస్తీ' ఎంతో జనరంజకంగా జరిగింది అంటే అతిశయోక్తి కాదు. మికా సింగ్, కనికా కపూర్ జతగా కలిసి జన సంద్రాన్ని ఉర్రూతలూగించారు. డీజె హానీ,స్కార్పియో, కారం, బ్లేజ్, క్రోనిక్ ఎం తదితరులు తమ సంగీతం తో ప్రదేశాన్ని ఎంతో ఆహ్లాదంగా మార్చేశారు. పిల్లలకు ప్రత్యేక స్థలాలను కేటాయించి కేవలం ప్రక్రుతి సిద్ధమైన రంగులను వాడి ఒక 'సేఫ్ హోలీ' అనేట్టుగా నిర్వహించారు. ఉదయం 10 గంటల నుండి సాయంత్రం 6 గంటల వరకు నిర్వహించిన ఈ వేడుకలో తిను బండారాలు మరియు పానీయాలు కూడా అందించారు.ఈ ఈవెంట్కి Caiyad Phahad Media Doctor గా వ్యవహరించారు.