ప్రముఖ నటుడు కమల్ హసన్ సోదరుడు చంద్ర హసన్ మరణించారు. కొంతకాలంగా అస్వస్థులుగా ఉన్న 82 ఏళ్ళ చంద్ర హసన్ లండన్‌లో కన్నుమూసినట్టు కోలీవుడ్ వర్గాలు తెలిపాయి.
ఆయన తన కుమార్తె అను హసన్ వద్ద ఉంటూ కమల్ ఫిలిమ్స్ ఇంటర్నేషనల్ సంస్థ బాధ్యతలను పర్యవేక్షిస్తూ వచ్చారని తెలుస్తోంది. ఆయన నిర్మాణంలో కమల్ హసన్ హీరోగా 'నల దమయంతి', 'విశ్వరూపం', 'ఉత్తమ విలన్' వంటి చిత్రాలు తెరకెక్కాయి. చంద్ర హసన్ మృతికి కోలీవుడ్ తీవ్ర సంతాపం వ్యక్తం చేసింది.