నయనతార, ప్రభుదేవా ప్రేమించుకున్నారనే సంగతి తెలిసిందే. ఇద్దరూ పెళ్లి చేసుకోవాలనుకున్నారు గానీ .. కుదరలేదు. అలాంటి ఈ ఇద్దరూ ఒక సినిమాలో కలిసి నటించబోతున్నారనే టాక్ కోలీవుడ్లో బలంగా వినిపిస్తోంది. డైరెక్టర్ చక్రి తోలేటి హీరోయిన్ లీడ్ రోల్ ప్రాధాన్యతను కలిగిన ఒక స్టోరీను సిద్ధం చేసుకుని నయనతారకి వినిపించాడు. కథ నచ్చడంతో వెంటనే ఆమె గ్రీన్ సిగ్నల్ ఇచ్చేసింది.
ఈ సినిమాకి 'కొలై యుధీర్ కాలం' అనే టైటిల్ ను ఫిక్స్ చేశారు. ఈ సినిమాలో విలన్ పాత్ర కోసం ప్రభుదేవా ఎంచుకున్నారు. ప్రభుదేవా ఎంతమాత్రం ఆలోచించకుండా ఓకే అనడం ఒక విశేషమైతే, డైరెక్టర్ దగ్గర నయనతార ఎలాంటి అభ్యంతరాన్ని వ్యక్తం చేయకపోవడం మరో విశేషం. ఈ సినిమా హిందీ వెర్షన్లో తమన్నా నటించనుండగా .. అక్కడ కూడా విలన్ ప్రభుదేవానే.