దర్శకేంద్రుడు రాఘవేంద్ర రావు లాస్ట్ సినిమా ఓం నమో వెంకటేశాయ అని అందరూ భావించారు.. కానీ ఐఫా వేడుకల్లో జీవన సాఫల్య అవార్డ్ అందుకొన్న రాఘవేంద్ర రావు.. తన నెక్స్ట్ సినిమా కోసం ఇద్దరు హీరోలతో అవును అనిపించుకొని తాను ఇంకా దర్శకత్వం కొనసాగించే ఆలోచనలో ఉన్నట్లు తెలియజేశారు.. 
ఐఫా అవర్డ్ ఫంక్షన్ లో జీవన సాఫల్య అవార్డ్ అందజేసిన నాగార్జున మాట్లాడుతూ... " రాఘవేంద్రరావు ఇక సినిమాలు చేయరని నేనే పొరపాటున అన్నా. నా మాట అబద్దం కావాలి...అయన ఇలాగే సినిమాలు చేస్తుండాలి" అన్నారు. 
వెంటనే స్పందించిన రాఘవేంద్ర రావు.. ఇక్కడున్న నాని, రానాలు నా సినిమాలో నటిస్తాను అని మాట ఇవ్వాలి అని అన్నారు.. అలా వారు నా సినిమాలో నటిస్తా అని మాట ఇస్తే.. నేను వాళ్ళతో సినిమా చెయ్యడానికి రెడీ అని అన్నారు. వెంటనే రానా, నాని ఒకే అని చెప్పారు. కాగా అవార్డ్స్ ఫంక్షన్ లో మాటలు కార్య రూపం దాలుస్తాయో లేదో చూడాలి మరి.