విన్ను మద్దిపాటి, అక్షత జంటగా నటిస్తున్న ‘శేఖరంగారి అబ్బాయ్‌’ సినిమా పాటలు విడుదలయ్యాయి. నటి అక్షత ఈ చిత్రం దర్శకత్వ బాధ్యతలను కూడా నిర్వర్తిస్తున్నారు. సాయి ఎలేందర్‌ సంగీతం అందించిన ఈ పాటలను ఆదిత్యా మ్యూజిక్‌ ద్వారా విడుదల చేశారు. బి.వి.ఆర్‌.ఐ.టి కాలేజ్‌ ఫెస్ట్‌లో జరిగిన ఈ ఆడియో విడుదల కార్యక్రమంలో దర్శకుడు సముద్ర ముఖ్య అతిథిగా పాల్గొని, సీడీని ఆవిష్కరించారు. ఈ సందర్భంగా సముద్ర మాట్లాడుతూ.. ‘పాటలు చాలా బావున్నాయి. హీరో విన్న, హీరోయిన్‌ అక్షత ఈ సినిమాలో పోటీపడి నటించారు. విన్ను చూడ్డానికి మరో ప్రభాస్‌లా ఉంటాడు. విజయ నిర్మలగారి తర్వాత మరలా ఓ నటి దర్శకత్వం వహిస్తోంది.

ఈ సినిమాతో విన్ను, అక్షతకు మంచి గుర్తింపు రావాలని కోరుకుంటున్నా’ అన్నారు.