మెగా ఫ్యామిలీ హీరోలు సోలోగా సినిమాలు చేస్తేనే రికార్డులు బ్రేక్ అవుతూ వుంటాయి. చిరంజీవి, పవన్ కళ్యాణ్ , చరణ్ , బన్నీ లాంటి మెగా హీరోలు సోలోగా సూపర్ హిట్స్ ఇచ్చారు. ఇక మెగా హీరోలు మల్టీస్టారర్ మూవీ చేస్తే న్యూ రికార్డ్స్ క్రియేట్ చేయడం ఖాయం. ఆ మధ్య చిరంజీవి - పవన్ కళ్యాణ్ తో మల్టీస్టారర్ మూవీ తీస్తానంటూ సుబ్బిరామిరెడ్డి హడావుడి చేసాడు. తరువాత సుబ్బిరామిరెడ్డి కామ్ అయిపోయాడు..దాంతో చిరు-పవన్ మల్టీస్టారర్ వర్కవుట్ అయ్యేలా కనిపించడం లేదు.
ఇక లేటెస్ట్ గా మరో మెగా మల్టీస్టారర్ మూవీ రెడీ కాబోతోందనే టాక్ మొదలైంది.అయితే ఈసారి రాం చరణ్ - అల్లు అర్జున్ కలసి మల్టీస్టారర్ మూవీ చేస్తారనే న్యూస్ చక్కర్లు కొడుతోంది.
అల్లు అరవింద్ గీతా ఆర్ట్స్ బ్యానర్ మీద చరణ్ - అర్జున్ టైటిల్ తో ఈ మూవీ తెరకెక్కిస్తాడనే ప్రచారం సాగుతోంది. ఇంతకు ముందు చెర్రీ- బన్నీ కలసి ' ఎవడు ' మూవీ చేసారు. అయితే అందులో అల్లు అర్జున్ క్యామియో రోల్ మాత్రమే చేసాడు. మరి ఇప్పుడు చెర్రీ - బన్నీ కలసి సినిమా చేస్తారా లేదా అనే విషయంలో క్లారిటీ రావాలి.