వేసవికాలంలో నీరు పుష్కలంగా ఉండి ప్రకృతి ప్రసాదించిన పండ్లలో ఖర్బూజ కూడా ఒకటి. ఇందులో నీటి శాతం అధికంగా ఉండటమే కాకుండా... అనేక పోషకాలు ఉన్నాయి. అలాంటి పండు స్కిన్ టోనర్‌గా కూడా పని చేస్తుంది. ఈ పండును ఆరగిస్తే చర్మ సమస్యలకు సైతం దూరంగా ఉండొచ్చు. ఖర్బూజను ఆరగిస్తే కలిగే ప్రయోజనాలను పరిశీలిస్తే...
 ఖర్బూజ పండులో బోలెడు సుగుణాలు ఉన్నాయి. ఆరోగ్యానికి ఎంతో మంచిది. చర్మానికి కూడా ఇది ఎంతో మేలు చేస్తుంది. వేసవిలో కాలంలో విరివిగా లభించే ఈ పండును ఆరగించడం వల్ల పలు రకాల చర్మ సమస్యల బారిన పడకుండా చేస్తుంది. స్కిన్‌ టోనర్‌లా పనిచేయడమే కాకుండా జిడ్డు, పొడి చర్మాలకి కూడా ఖర్బూజ ఫేస్‌ప్యాక్‌ భేష్‌‌గా ఉంటుందని సౌందర్య నిపుణులు అభిప్రాయపడుతున్నారు.