కళాబంధు టి.సుబ్బిరామిరెడ్డి కల్చరల్‌ ఫౌండేషన్‌ ఆధ్వర్యంలో శనివారం పోర్టు స్టేడియంలో జరిగిన టీఎస్‌ఆర్‌ నేషనల్‌ జాతీయ ఫిల్మ్‌ అవార్డ్స్‌-2015,16 ప్రదానోత్సవం కన్నుల పండువగా సాగింది. వివిధ భాషల్లో నటించిన 65 మందికి టీఆర్‌ఎస్‌ నేషనల్‌ ఫిల్మ్‌ అవార్డులను నందమూరి బాలకృష్ణ అందజేశారు. ఈ సందర్భంగా టి.సుబ్బిరామిరెడ్డి మాట్లాడుతూ కళ అనేది ఈశ్వర శక్తి అని, కళను అభిమానించేవాడే కళాకారులను ఆదరిస్తాడని అన్నారు. లక్షలాది మంది ప్రేక్షకులను అలరిస్తున్న సినీ ప్రముఖులకు అవార్డులు అందజేయడం ఆనందంగా ఉందన్నారు. కళాకారుడికి సినిమా తీసి బాగా డబ్బు వస్తే పొందే ఆనందం కంటే అవార్డు అందుకున్న సందర్భంలో కలిగే సంతోషం ఎంతో గొప్పదని నందమూరి బాలకృష్ణ అన్నారు.​