మెగా పవర్ స్టార్ రామ్ చరణ్ మాస్ ఇమేజ్ నుంచి బయటకు వచ్చి డిఫరెంట్ నేపద్య కధలతో సినిమాలతో అభిమానులను అలరించడానికి రెడీ అయ్యాడు.. ధృవ సినిమాతో సూపర్ హిట్ అందుకొన్న చరణ్.. తాజాగా సుకుమార్ దర్శకత్వంలో మరో విభిన్న సినిమాలో నటిస్తున్నాడు. ఈ సినిమా పూర్తిగా గ్రామీణ నేపద్యంలో సాగే పల్లెటూరి ప్రేమ కధ.. ఈ సినిమా షూటింగ్ ను 31 రోజుల పాటు గోదావరి జిల్లాల్లో చేయనున్నారు. రాజమండ్రి పరిశర ప్రాంతాల్లో షూటింగ్ జరుపుకొంటున్న ఈ చిత్రం లొకేషన్ లోని ఓ ఫోటోని చరణ్ తన సోషల్ మీడియాలో పోస్ట్ చేశాడు. ఆ ఫోటోలో చరణ్ అచ్చమైన పల్లెటూరి యువకుడిగా కనిపిస్తున్నాడు. పెంచిన గెడ్డం. లుంగీ, బనీన్ తో చరణ్ ఇది వరకూ ఎన్నడూ చూడని కొత్త లుక్ లో కనిపిస్తున్నాడు.. ఈ ఒక్క ఫోటో తోనే సినిమాలో చరణ్ గెటప్ చాలా సహజంగా ఉండి సంథింగ్ స్పెషల్ అనిపిస్తోంది.. మరి సినిమాలో చరణ్ ను సుకుమార్ ఇంకెంత విభిన్నంగా చూపిస్తాడో మరి.. చరణ్ సరస సమంత హీరోయిన్ గా తొలిసారిగా నటిస్తోండగా.. ఆదిపినిశెట్టి, జగపతి బాబు ప్రధాన పాత్రల్లో నటిస్తున్నారు.