తాప్సీ ప్రధాన పాత్రలో నటించిన 'నామ్ షబానా' చిత్రంపై పాకిస్థాన్ నిషేధం విధించింది. ఈ సినిమాలో అభ్యంతరకర సన్నివేశాలు ఉన్నాయని, వాటిని తొలగించకుండానే చిత్ర ప్రదర్శన చేస్తున్నందుకు గాను సెన్సార్‌ బోర్టు ఈ సినిమాను బ్యాన్‌ చేసినట్లు అధికారులు వెల్లడించారు. గతవారం ప్రేక్షకుల ముందుకు వచ్చిన ఈ చిత్రం ఎలాంటి కట్స్ లేకుండానే పాక్‌లో విడుదలైంది. అయితే ఈ సినిమాలోని కొన్ని సన్నివేశాలు ఉగ్రవాదానికి సంబంధించినవిగా ఉన్నాయని, అందుకే సినిమా ప్రదర్శన నిలిపి వేస్తున్నట్లు సెన్సార్ అధికారులు తెలిపారు. ఉరి ఉగ్రదాడి అనంతరం ఇండియన్ సినిమాలను పాక్‌లో నిషేదించారు. తర్వాత కొద్ది కాలానికి ఈ నిషేదం ఎత్తి వేశారు.
2015లో వచ్చిన 'బేబి' చిత్రంలో బాలీవుడ్ యాక్షన్ కింగ్ అక్షయ్‌కుమార్ ప్రధాన పాత్ర పోషించారు. కాగా 'బేబి'కి ప్రీక్వెల్‌గా వచ్చిన ఈ చిత్రంలో అక్షయ్ అతిథి పాత్రలో కనిపించారు.