షార్జా పోలీసులు శ్రీలంకకు చెందిన ఓ వ్యక్తిని అరెస్ట్‌ చేశారు. శ్రీలంకకు చెందిన ఓ మహిళను తన ఇంట్లోనే హత్య చేశాడు నిందితుడు. షార్జాలోని మేసెలూన్‌ ప్రాంంలో ఈ హత్య జరిగింది. నేరం జరిగిన ఎనిమిది గంటల్లోనే హంతకుడ్ని పోలీసులు అదుపులోకి తీసుకున్నారు. హత్య గురించిన సమాచారం అందుకోగానే టీమ్స్‌ని రంగంలోకి దించారు. ఫోరెన్సిక్‌ నిపుణులు, అంబులెన్స్‌, సిఐడి మరియు పెట్రోల్‌ డిపార్ట్‌మెంట్స్‌కి చెందిన పలువురు అధికారులు నేరం జరిగిన ప్రాంతానికి వెళ్ళారు. ఫింగర్‌ ప్రింట్స్‌ సహా పలు ఆధారాల్ని సేకరించిన తర్వాత అటాప్సీ నిమిత్తం ఫోరెన్సిక్‌ లేబరేటరీకి మృతదేహాన్ని తరలించారు. మహిళతో హంతకుడికి అక్రమ సంబంధం ఉన్నట్లు పోలీసులు గుర్తించారు. అయితే హత్యకు గల కారణాలు ఇంకా వెల్లడి కాలేదు.