రుస్తుం మూవీ తో నేషనల్ అవార్డు దక్కిన్చుకున్న అక్షయ్‌కుమార్‌..తాజాగా 'ప్యాడ్‌మ్యాన్‌' మూవీ లో నటిస్తున్నాడు. ఆర్‌.బాల్కీ దర్శకత్వం వహిస్తుండగా , అక్షయ్‌ భార్య ట్వింకిల్‌ ఖన్నా నిర్మాతగా వ్యవహరించనున్నారు. ఇందులో అక్షయ్‌కి జంటగా సోనమ్‌ కపూర్‌ నటించనుంది.
తాజాగా ఈ మూవీ లో బాలీవుడ్‌ మెగాస్టార్‌ అమితాబ్‌ బచ్చన్‌ 'అమితాబ్‌'గా ప్రత్యేక పాత్రలో నటించనున్నారని సమాచారం. ఈ విషయాన్ని అమితాబ్‌ తన ట్విటర్‌ ద్వారా వెల్లడించారు. ఇక అక్షయ్ విషయానికి వస్తే శంకర్ దర్శకత్వంలో రూపొందుతున్న రోబో 2.0 చిత్రంలో నటిస్తున్నాడు. దాదాపు 90 శాతం షూటింగ్ పూర్తి చేసుకొన్న ఈ చిత్రం దీపావళీ కానుకగా విడుదలయ్యేందుకు ముస్తాబవుతున్నది. ఈ చిత్రంలో నటించినందుకు గాను అక్షయ్ కుమార్ తీసుకొంటున్న రెమ్యూనరేషన్ ప్రస్తుతం చిత్ర పరిశ్రమలో టాక్‌గా నిలిచింది.