మస్కట్‌: రాయల్‌ ఒమన్‌ పోలీసులు ఆరుగురు అరబ్‌ జాతీయుల్ని అరెస్ట్‌ చేశారు. 4,878 బండిల్స్‌తో కూడిన ఖాట్‌ని వీరి నుంచి స్వాధీనం చేసుకున్నారు. మిర్బాత్‌ కోస్ట్‌లో ఓ బోట్‌ని పట్టుకుని, అందులోంచి ఖాట్‌ని స్వాధీనం చేసుకుని, ఆరుగుర్ని అరెస్ట్‌ చేయడం జరిగింది. ఓ ఘటనలో 11 బాక్సులతో కూడిన 2,475 బండిల్స్‌ని సీజ్‌ చేయగా, ఇంకో ఘటనలో 2,403 బండిల్స్‌ని స్వాధీనం చేసుకున్నారు. మొత్తం ఆరుగుర్ని పోలీసులు అదుపులోకి తీసుకున్నారు. ఇంకో ఘటనలో ఆసియాకి చెందిన ఓ వ్యక్తి నుంచి 104 డ్రగ్‌ క్యాప్స్యూల్స్‌ని పోలీసులు స్వాధీనం చేసుకున్నారు. సలాలా ఎయిర్‌పోర్ట్‌లో నిందితుడ్ని అరెస్ట్‌ చేశారు.