మనామాం పలువురు బహ్రెయినీలు మరియు బంగ్లాదేశీయుల మధ్య తీవ్రమైన ఘర్షణ చోటు చేసుకుంది. సనాద్‌లోని కన్‌స్ట్రక్షన్స్‌ అండ్‌ శానిటరీ టూల్స్‌ స్టోర్‌ వద్ద ఈ ఘర్షణ జరిగింది. కొన్ని టూల్స్‌కి సంబంధించిన ధరపై బంగ్లాదేశీ సేల్స్‌మెన్‌తో బంగ్లాదేశీ వినియోగదారుడు ఘర్షణ పడటంతో వివాదం ముదిరి తీవ్ర ఘర్షణగా మారింది. సేల్స్‌మెన్‌, ఓ స్క్రూ డ్రైవర్‌తో వినియోగదారుడ్ని బెదిరించాడు. అనంతరం. సేల్స్‌మెన్‌, వినియోగదారుడ్ని బయటకు తోసేసినట్లు సిసిటివిలో రికార్డ్‌ అయ్యింది. అనంతరం మరో వ్యక్తి షాప్‌ లోపలినుంచి వచ్చి, సేల్స్‌మెన్‌తో 20 నిమిషాల అనంతరం వాగ్యుద్ధానికి దిగాడు. ఆర్గ్యుమెంట్‌ కాస్తా గొడవగా మారిపోయింది. ఇరువర్గాలూ కొట్టుకున్నాయి. ఈ ఘర్షణలో రాళ్ళు విసురుకోవడం, కట్టెలతో కొట్టుకోవడం కూడా జరిగింది. పోలీసులకు సమాచారం అందడంతో వారు సంఘటనా స్థలానికి వెళ్ళి ఇరువుర్నీ శాంతింపజేశారు. కొందరికి గాయాలు కాగా, వారికి వైద్య చికిత్స అందించారు.