షాపింగ్‌ మాల్స్‌, హైపర్‌ మార్కెట్స్‌ల్లో చిన్న పిల్లల మిస్సింగ్‌ కేసులు ఎక్కువగా వెలుగు చూస్తున్నాయి. ఇలాంటి కేసుల్ని డీల్‌ చేయడానికి కొత్త కొత్త మార్గాల్ని అన్వేషించాల్సి వస్తోంది. ప్రతిరోజూ షాపింగ్‌ మాల్స్‌లో మూడు నుంచి ఐదు వరకు మిస్సింగ్‌ కేసులు నమోదవుతున్నట్లు రిపోర్ట్స్‌ వెల్లడిస్తున్నాయి. కొన్ని షాపింగ్‌ మాల్స్‌, తమ సిబ్బందికి ఇలాంటి కేసుల్ని డీల్‌ చేయడానికి ప్రత్యేకంగా శిక్షణ ఇప్పిస్తున్నాయి. తప్పిపోయిన పిల్లల్ని కనుగొని, కస్టమర్‌ కేర్‌ డెస్క్‌ వద్ద వారిని ఉంచి, అనౌన్స్‌మెంట్‌ ఇవ్వడం వంటివి చేస్తున్నారు. మరికొన్ని మాల్స్‌ సిసిటివి ఫుటేజ్‌ల ఆధారంగా తప్పిపోయిన పిల్లల్ని తల్లిదండ్రులకు అప్పగిస్తున్నారు. క్వాలిటీ హైపర్‌ మార్కెట్‌ ఉద్యోగి ఒకరు పసి పిల్లల మిస్సింగ్‌పై మాట్లాడుతూ, తమ మాల్స్‌లో నిపుణులైన సహాయకుల్ని ఏర్పాటు చేస్తున్నామని, సిసిటివి ఫుటేజ్‌ ద్వారా కనుగొనడం, అలాగే అనౌన్స్‌మెంట్స్‌ ద్వారా తల్లిదండ్రుల్ని అలర్ట్‌ చేస్తున్నామని వివరించారు.