మెగాస్టార్ చిరంజీవి రీ ఎంట్రీ ఇస్తూ చేసిన ‘ఖైదీ నెం 150’ చిత్రంతో బాక్సాఫీస్‌ను షేక్ చేశాడు. ఇప్పుడు ఆయన 151వ సినిమా కోసం అభిమానులు ఎదురుచూస్తున్నారు. రాయలసీమకు చెందిన స్వాతంత్ర్య సమరయోదుడు ఉయ్యాలవాడ నరసింహారెడ్డి జీవితం ఆధారంగా తెరకెక్కనున్న చిత్రం కావడంతో దీనిపై ప్రేక్షకుల్లో భారీ స్థాయి అంచనాలు ఉన్నాయి. ‘ధృవ’ చిత్రంతో చరణ్ కి కీలకమైన హిట్ అందించిన దర్శకుడు సురేందర్ రెడ్డి ఈ సినిమాను డైరెక్ట్ చేస్తున్నారు. తాజాగా నిర్మాత రామ్ చరణ్ తేజ్ రాజమండ్రి షూటింగ్ షెడ్యూల్లో అభిమానుల‌తో చిరు 151వ సినిమాను ఆగష్టులో మొదలుపెడతామని చెప్పార‌ట. ఆగష్టులోనే అంటే 22వ‌ తేదీ చిరంజీవి పుట్టినరోజు నాడే మొద‌ల‌య్యే అవకాశముంద‌ని అభిమానులు అంటున్నారు.