గ‌తేడాది ‘ఎక్కడికిపోతావు చిన్నవాడా’ చిత్రంతో కెరీర్లోనే బిగ్‌ హిట్ అందుకున్న యంగ్ హీరో నిఖిల్ చేస్తున్న మరో ప్రయోగాత్మక చిత్రం ‘కేశవ’. రివెంజ్ థ్రిల్లర్ గా ఉండనున్న ఈ చిత్రాన్ని ‘స్వామిరారా’ సినిమాతో నిఖిల్ కు బ్రేక్ ఇచ్చిన సుధీర్ వర్మ డైరెక్ట్ చేస్తున్నాడు. ఇప్పటికే విడుదలైన టీజర్, ఫస్ట్ లుక్ సినిమాపై మంచి ఆసక్తిని క్రియేట్ చేస్తున్నాయి. ఈ చిత్రాన్ని మే 12 వ తేదీన ప్రేక్షకుల ముందుకు తీసుకురావడానికి నిర్మాత అభిషేక్ నామా అన్ని ఏర్పాటులు చేస్తున్నారు. రీతూవర్మ హీరోయిన్ గా నటిస్తున్న ఈ చిత్రంలో ఇషా కొప్పికర్ పోలీస్ పాత్ర చాలా థ్రిల్లింగా ఉంటుందని తెలుస్తోంది.