' పిచ్చుక మీదకు  బ్రహ్మాస్త్రం వెనుకటికి ఎవరో గురిపెట్టారట ' ...అచ్చం అదే మాదిరిగా జీవనోపాథికి దేశం కానీ దేశం వచ్చిన ఓ పారిశ్యుద్ధ కార్మికుడిని స్వల్ప కారణం సాకుగా చూపి కొందరు అతి దారుణంగా గాయపర్చారు. వివరాలలోకి వెళితే, దారుజులో ఆసియా దేశానికి చెందిన ఒక క్లీనర్ పై దారుణంగా దాడి చేశారు. మొఖాలకు ముసుగులు ధరించిన బృందం అత్యంత పాశవికంగా గాయపరిచి తన పొరుగువారి ఇంటికి తిరిగి వచ్చి శుభ్రపర్చకూడదని తెలిపినట్లు నివేదికలు ధృవీకరించాయి.ఉత్తర ప్రాంతం మున్సిపాలిటీ జనరల్ డైరెక్టర్ యూసఫ్ అల్ ఘాతం మంగళవారం  జారీ చేసిన ప్రకటనలో ఈ దాడిని ఖండించారు. ఈ నెల ఏప్రిల్ 23 వ తేదీన ధీరజ్ లో ఒక క్లీనర్ తన విధులునిర్వహిస్తున్న సమయంలో ఈ ప్రాంతం శుభ్రం చేయడానికి వీల్లేదని  బెదిరిస్తూ మొఖాలకు ముసుగులు ధరించిన  ఒక సమూహం దాడి చేసిందని అల్ ఘటం  చెప్పారు. నలుగురు ముసుగులు ధరించిన ఆగంతకులు బాధితుడిని తీవ్రంగా కొట్టి,గాయపర్చినట్లు ఆయన తన ప్రకటనలో వివరించారు.దాడి చేసిన బృందం అక్కడ శుభ్రం చేయడానికి అభ్యంతరం ఎందుకు వ్యక్తపర్చారో తెలియాల్సి ఉంది. ఆ ప్రాంతంలో గందరగోళం సృష్టించడానికి ఉద్దేశం లోపల పెట్టుకొని  అమాయకుడైన క్లీనర్ ను గాయపరచడం వలన తమ పట్ల అక్కడివారికి భయం కల్గించాలని లక్ష్యం నెరవేర్చుకొన్నారని ఆ అధికారిక తెలిపారు. ఈ సంఘటనను "వికారమైనది" అని అల్ ఘటం వివరించారు మరియు సభ్య సమాజంలో ఇటువంటి అనైతిక ప్రవర్తనలకు వ్యతిరేకంగా పోరాడాలని ఆయన నొక్కి చెప్పారు.