తాను చేసే ప్రతీ చిత్రం వైవిధ్యంగా ఉండాలని కొత్తదనం కనపడాలని కోరుకునే యువ కథానాయకుల్లో నిఖిల్‌ ఒకరు. ఇటవలే ‘ఎక్కడికి పోతావు చిన్నవాడా’ చిత్రం ద్వారా మంచి విజయం అందుకున్న ఆయన ప్రస్తుతం సుధీర్‌ వర్మ దర్శకత్వంలో ‘కేశవ’ చిత్రంలో నటిస్తున్నారు. ఈ సినిమాను మే 19న ప్రేక్షకుల ముందుకు తీసుకురాబోతున్నట్లు ఆయన ట్విటర్‌ ద్వారా వెల్లడించారు. నా 14వ సినిమా ‘కేశవ’ మే 19న విడుదలవుతోంది. నేను చాలా సంతోషంగా ఉన్నా అంటూ ట్వీట్‌ చేశారు. అభిషేక్‌ పిక్చర్స్‌ పతాకంపై అభిషేక్‌ నామా ఈ సినిమాను నిర్మిస్తున్నారు.