భారత తొలి ఆస్కార్‌ విజేత ఏఆర్‌ రెహ్మాన్ సోదరి, సంగీత దర్శకురాలు ఏఆర్‌ రెహానా యోగి అండ్‌ పార్టనర్స్‌ బ్యానర్‌పై నిర్మించి, సంగీతం సమకూర్చిన చిత్రం 'ఏన్‌డా తలైల ఎన్నై వెక్కల'. కొత్త దర్శకుడు విఘ్నేష్‌ కార్తీక్‌ తెరకెక్కిస్తున్న ఈ చిత్రంలో కొత్త నటుడు అజార్‌, సంచితాశెట్టి హీరోహీరోయిన్లు. హాస్యనటుడు యోగిబాబు ముఖ్యపాత్ర పోషిస్తున్నారు. ఈ సినిమా ఆడియోను ప్రముఖ దర్శకుడు, నటుడు భాగ్యరాజ్‌ చేతుల మీదుగా విడుదల చేయగా, తొలి సీడీని యువ సంగీత దర్శకుడు హిప్‌హాప్‌ ఆది అందుకున్నాడు. ఈ సందర్భంగా రెహానా మాట్లాడుతూ.. 'ఈ వేసవి కాలంలో తరచుగా వినిపించేమాట ఏనడా తలైల ఎన్నై వెక్కల అని. అందరూ తలకి నూనె పెట్టుకోండి, ఒంటికి మంచిది చెబు తారు. ఈ సినిమా కూడా అలాంటిదే. ఈ సమ్మర్‌లో ప్రేక్షకులను కడుపుబ్బా నవ్వించే చక్కని ఉపశమ నాన్ని కలిగిస్తుంది' అని నవ్వుతూ చెప్పారు. ఈ కార్యక్రమంలో నిర్మాత జీకే రెడ్డి, డ్యాన్స మాస్టర్‌ కళా, సింగపూర్‌ దీపర్‌, ఎడిటర్‌ సీఎస్‌ ప్రేమ్‌, హీరో అజార్‌, హీరోయిన్ సంచితాశెట్టి, సినిమాటోగ్రాఫర్‌ వంశీ దరన్, నటుడు జయరామ్‌ సతీమణి పార్వతి తదితరులు పాల్గొన్నారు.