తెలుగువారి ప్రతిభా పాటవాల్ని ప్రపంచానికి చాటి చెప్పిన బాహుబలి సినిమాను ఆస్కార్‌కు సిపారసు చేయాల్సిందిగా కేంద్ర ప్రభుత్వాన్ని కోరతానని ఏపీ ముఖ్యమంత్రి చంద్రబాబు అన్నారు.  చిత్ర యూనిట్‌ను అమరావతికి తీసుకువచ్చి ఘనంగా సన్మానిస్తామని చెప్పారు.  తాత్కాలిక సచివాలయం వెలగపుడిలో చంద్రబాబు మంత్రివర్గ సమావేశాన్ని జరిపారు.  ఈ సమావేశంలో మంత్రివర్గం కొన్ని నిర్ణయాలు తీసుకుంది.
కళాతపస్వి కె. విశ్వనాధ్‌కు దాదాసాహెబ్ ఫాల్కే అవార్డు రావడం పట్ల హర్షం వ్యక్తం చేశారు.
ఒలింపిక్ విజేత పీవీ సింధుకి గ్రూప్- 1 సర్వీస్‌లో నియమించేందుకు వీలుగా చర్యలు
కొత్తగా 800 కానిస్టేబుల్ పోస్టులకు ఆమోదం.